“Quick Response”, esas son as palabras que se ocultan detrás do recoñecido código QR. Realmente é un sistema sinxelo e o seu valor reside en que é un método rápido e preciso de descodificar información. O seu escaneo permite dirixir cara a unha URL sen necesidade de escribir a dirección, algo moi útil se é moi longa ou queres que o acceso sexa inmediato. En clase pode converterse nunha forma moi efectiva de proporcionar material complementario, enriquecer contidos ou facilitar reforzo aos estudantes.

Cómo se crean os códigos QR?

Hoxe en día crear un código QR é realmente sinxelo e gratuíto. Pode escollerse entre códigos estáticos (non permiten modificacións ou actualizacións na URL) ou dinámicos (si permiten estes cambios). Aínda que noutros ámbitos pode ser importante utilizar un ou outro, no mundo do ensino, os dous poden ser aptos, aínda que o primeiro non che permitirá editar contidos.

Se te animas a crear un QR, hai multitude de portais como QR Code Generator o Unitag onde podes xerar este tipo de código en escasos minutos. Pero se queres dar un paso máis, podes lanzarche a personalizalos e a facelos máis atractivos. Niso caso unha boa opción para ti será Qrcodemonkey.

Qué utilidade pode ter na aula?

• Achegar un extra de contido á túa documentación para mellorar a comprensión ou facela máis atractiva. Seguro que se nuns apuntamentos ou esquemas convencionais incluímos códigos QR para ampliar información ou lembrar conceptos (sobre todo se diriximos a contidos enriquecidos como vídeos), o alumno achegarase á materia dunha forma moito máis amigable.
• QR tamén como ferramenta de avaliación ca aplicación Plickers. Cada un dos alumnos ten varias tarxetas con códigos QR que representan varias opcións de resposta ou, mesmo, un mesmo código QR en distintas posicións (A, B, C e D) pode corresponderse con cada opción. Cando o profesor expón a pregunta, os alumnos só teñen que levantar o código na posición que se corresponde coa pregunta adecuada. Entón o docente escanea todos os códigos (en segundos) e o sistema automaticamente engade os datos asignándoos a cada alumno.
• Enriquece o traballo fóra da aula: Se, por exemplo, colocamos un código QR con información debaixo dun tipo de planta, de maneira que o alumno poida escanealo coa tablet e obter información sobre ela, a experiencia será moito máis atractiva. Sen dúbida esta ferramenta pode formar parte de moitas actividades de gamificación, que promove un proceso de aprendizaxe máis dinámica e imaxinativa.
• Traballos e exposicións: As mostras que se fan no centro para pais ou visitantes, poden ter códigos QR asociados que amplíen a información de cada traballo ou mesmo redirixan a vídeos onde o propio alumno explica máis sobre a tarefa exposta.
• Podemos integrar o código tamén na páxina web ou blogue de clase, incluílo no xornal ou revista do colexio para ampliar a información dunha actividade ou presentar aos alumnos autores de artigos.
• Queres ir máis aló e explorar todas as posibilidades ou código QR? Pois aposta pola realidade aumentada con Quiver, Merge Cube o Aumentaty.