Beneficios de usar as redes sociais na aula

Fomentar a escritura, mostrar os contidos en distintos formatos (máis visuais e atractivos para os estudantes) ou contar con espazos privados nos que manter unha comunicación grupal áxil entre o docente e os alumnos cando non se atopen en clase son algunhas das claves para facer uso das redes sociais durante o curso académico.

A continuación citamos algunhas ideas coas que se pode dar un uso educativo e pedagóxico a redes sociais como Facebook, Twitter, Instagram ou Youtube.

• Un espazo privado de comunicación. Redes sociais como Facebook permiten crear grupos pechados (aos que só se pode acceder por invitación) que permiten crear un espazo no que manter a comunicación. Tamén poden utilizarse como vía de contacto coas familias ou para que os docentes poidan manter contacto con outros profesores e dispoñer de distintos recursos para a aula, como o grupo ‘Recursos para profesores’.

• Para buscar información. O contido (xa sexa mediante imaxes ou textos con límite de caracteres) é o principal protagonista das redes sociais. Outra idea para facer un uso responsable de redes como, por exemplo Twitter, é utilizala como motor de procura no que teñan que buscar e seleccionar unha información determinada. Deste xeito, foméntase a aprendizaxe relacionada coa identificación de noticias falsas ou bulos. Exemplo diso é a conta @malditobulo, que ten como obxectivo desmontar os bulos e as ‘ fake news’ que circulan nas redes sociais e pode ser un bo exemplo de consulta para os estudantes.

• Como ferramenta transmedia. En redes sociais como Instagram pódese subir unha imaxe, facer un vídeo en directo ou levar a cabo creatividades que desaparecen en 24 horas. Esta rede social pode servir para que o alumnado leve a cabo un proxecto no que faga uso da escritura, a imaxe e o vídeo de maneira simultánea. Co proxecto 'Women’s History', os estudantes de 4º de ESO do Colexio Compañía de María, en Valladolid, fixeron uso de Instagram para investigar sobre heroínas da primeira metade do século XX. Despois, publicaron diferentes posts e historias nos que plasmaron curiosidades ou biografías destas mulleres.

• Para crear unha canle educativa. Youtube permite crear canles educativas que poden chegar a moitas persoas. Pode utilizarse como medio divulgativo no que os estudantes formen parte do mesmo gravando, montando e dando forma aos contidos da canle. Tamén pode resultar útil para que o docente explique os contidos dunha materia dunha forma máis amena. Un exemplo é a canle de ‘Economía en Cuarentena’ creado polo docente Sergio Cruz durante o período de confinamento. Nel explica a materia de Economía para Secundaria e Bacharelato cun ton similar ao que utilizan os ‘ youtubers’. Ou o xa famosa canle 'Xeoclip' impulsado polos profesores Adela Otero e Xacobo de Toro, para facer máis amigables e entretidos os contidos de Xeografía e Xeoloxía.

• Un folio en branco para fomentar a escritura creativa. Todas as redes sociais permiten escribir textos de maior ou menor extensión. E esa función pódese utilizar para animar ao alumnado a que escriba pequenos relatos ou historias que fomenten as habilidades propias da escritura creativa. É o caso de ‘Microrrelatos IES’, un perfil en Instagram creado por unha docente de Secundaria e Bacharelato para fomentar a escritura creativa entre os estudantes a través de textos breves.

Ventajas y desventajas de las redes sociales en el aula (‘Andalucía es Digital’)

Así se pueden usar las redes sociales en el aula (Educación 3.0)

Estudio Redes Sociales 2020 (IAB Spain)

Redes sociales en educación (INTEF)

Píldoras de Educación (Podcast educativos creados polo profesor David Santos)