Innovación educativa

O CEIP de Barouta pretende encamiñar o centro cara a unha smartschool onde a sustentabilidade, ligada ás novas tecnoloxías, promova aprendizaxes significativas desde as capacidades e orientadas ás expectativas dos alumnos. Trátase dun proxecto de centro con todo o profesorado e alumnado implicado. 

Xorde da necesidade de contar cun espazo de reflexión e opinión no que os mozos poidan expresarse e intercambiar a súa visión da contorna, para así poder actuar sobre el e transformalo. O obxectivo é promover a comunicación, a reflexión e o espírito crítico a través dunha plataforma dixital colaborativa de debate onde se expoñerá e argumentará un tema. Coas conclusións crearase un produto artístico: un poema, un videoclip, unha canción...

Hortus Cultus 3.0 é un proxecto no que os alumnos/ as converteranse en creadores de contidos a través de experiencias realizadas no horto escolar que ten o centro. Traballando desde distintas materias crearanse vídeos e libros, que o alumnado compartirá coa contorna; diferentes receitas feitas co que cultivaron onde non só se explicará como realizalas senón que se mostrará como foi todo o proceso de cultivo e as calidades e propiedades dos vexetais empregados.

O CEIP Valle Inclán leva xa un curso desenvolvendo Mans de Terra, e van ampliar as posibilidades do seu proxecto agora que gañaron a súa Frambuesa ;).  Raspberry Pi, a ferramenta que empregarán este ano, ademais de ser moi versátil, supoñerá un medio motivador para mellorar e ampliar a aprendizaxe dos alumnos.  

En Paisaxe vivida. 3D Galician Landscape ideáronse procesos e metodoloxías novas como realidade aumentada, realidade virtual ou impresión 3D para acceder aos contidos curriculares de paisaxe e xeomorfoloxía. A súa posta en marcha supoñerá ademais fomentar no alumnado valores como a autonomía, a responsabilidade e a implicación. Ademais do financiamento para levalo a cabo, este proxecto obtivo un premio especial para a formación do profesorado en tecnoloxía 3D.

O proxecto do Colexio Fogar Afundación de Vigo recuperará, adaptará e personalizará cadeiras de rodas eléctricas en colaboración coa asociación Dano Cerebral Alento. FP Sobre Ruedas é unha iniciativa que parte do alumnado e que favorece a iniciativa e o emprendemento. 

CRE.AP.CIÓN 4.0 é un proxecto de aprendizaxe servizo onde todos aprenden. A través da robótica, impresión 3D, realidade aumentada e realidade virtual buscarán compartir as súas experiencias didácticas con alumnado en réxime hospitalario ou de atención domiciliaria.

O IES Faro das Lúas, está situado en Vilanova de Arousa. En 2016 celebraron o 150 aniversario do nacemento dun dos seus fillos mais ilustres: Ramón Mª del Valle Inclán.

Crean unha canle de TV para divulgación científica, donde os alumnos realizan experimentos e explicacións científicas (en varios idiomas) para a súa posterior divulgación na súa canle de TV online que eles mesmos crean e moderan de maneira colaborativa.

Empoléirate na Ciencia 2016-17 trata el diseño de prototipos, tanto en la materia de Tecnología Industrial como en sesiones extraescolares abiertas a más alumnado, vinculando el aprendizaje a la realidad mediante trabajo de taller, impresión 3D y mecanizados, para ver nuestros prototipos hechos realidad, en un proceso completo desde su diseño hasta su factura física.

Experiencia interdisciplinar e creativa que pretende fomentar a cultura emprendedora e a educación artística en todas as etapas educativas, a través da creación e xestión dun Centro de Arte Contemporánea no IES As Barxas, especializado en 4 áreas: Produción, Exhibición, Documentación e Formación.

Proxecto no que tratan que os alumnos aprendan facendo algo que lles gusta e que coñecen mellor que os profesores. Van usar o Minecraft en clase.

Coa robótica e a programación como eixo buscan que o seu alumnado sexa capaz de entender a realidade tecnolóxica que nos rodea e de crear os seus propios productos nesta realidade. Queren que aprendan facendo, espertar a súa curiosidade, a súa autonomía.

Con Asibot pretenden contribuír ao desenvolvemento das habilidades e competencias do século XXI que preparen ao alumnado para a vida e a nova realidade profesional.

Detectouse unha preocupante diminución do interese dos mozos na ciencia e a tecnoloxía. Necesítase un cambio metodolóxico no ensino das ciencias mediante a introdución do método indagativo.

Proxecto centrado na creación de videoxogos mediante a programación e o uso da gamificación como estratexia para motivar e incentivar ao alumnado.

O proxecto consiste na creación dunha empresa de carácter solidario, seguindo a metodoloxía Learning by Doing, realizando as actividades inherentes á actividade empresarial.

Este proxecto xorde coa idea de ser unha aula que simule unha cidade con cabida para 60 habitantes na que se crean diversos establecementos e organismos nos que os alumnos teñen que resolver as diferentes situacións da vida real.

Barxas emprende é un proxecto creativo e interdisciplinar que consiste na creación desde cero dunha empresa editorial de libros infantís ilustrados realizados por alumnos. Para iso, o IES As Barxas prevé a participación doutros catro centros educativos e de 150 estudantes de 3º e 4º curso de ESO.